Autor: Permille Storm

Iha loron 26 fulan Novembru, reprezentante sira husi Ministériu Finansas, Ministériu planu no Ordenamentu, Banku investimentu Europeu (EIB) no delegasaun Uniaun Europeia nian iha Timor-Leste hasoru malu atu diskute kona-ba oportunidade finansiamentu nian husi EIB.

PPIP nia objetivu mak atu apoia identifikasaun, preparasaun, no implementasaun teknikamente, ekonomikamente, Ambiente, no projetu investimentu ne’ebé di’ak tebes iha área florestal, reziduu sólidu, no bee no saneamentu..

Semináriu ne’e sai hanesan oportunidade ba EIB atu aprezenta ninia matadalan no estratéjia finansiamentu nian iha Timor-Leste. Hanesan Sr. Raoul Pedrazani, Koordenador projetu EIB, “EIB komprometidu atu finansia projetu sira ne’ebé sustentavel no demonstra impaktu longu-prazu ba futuru ida di’ak liu.” Tanba ne’e, Ministériu Finansas no Ministériu planu no territóriu aprezenta sira-nia limitasaun atu asesu ba empréstimu no husu pergunta barak kona-ba mekanizmu no kondisaun finansiamentu.

Workshop ne’e mós oportunidade atu diskute kritéria elijibilidade ba projetu sira ne’ebé identifika ona iha programa PPIP nia laran. Sr. Elson Martinho da Costa, Diretor Nasionál jestaun no mobilizasaun rekursu esternu iha Ministériu Finansas, konklui katak “ami espera katak ami bele iha oportunidade seluk atu konvida ekipa eib atu aprezenta no diskute asuntu ne’e ho maneira espesífiku liu”.

Iha fulan oin mai, programa PPIP nian sei hili projetu neen atu hahú estudu pre-viabilidade.

FAtu hetan informasaun liu tan bele kontaktu:

Sr. Jan Drozdz, Lider ekipa PPIP

Email: jadrx(at)cowi.com

Atu bele prepara no identifika projetu potensiál sira iha setor rezidus sólidus, ezije koñesimentu profundu kona-ba situasaun atuál hanesan dezafiu ezistente, restrisaun, ho rekizitu local sira. Proposta ba projetu sira investimentu nian tenke adapta ho estratejia no planu nasionál sira, nomós tenke bazeia ba sirkumstánsia ho rekizitu lokal sira hodi hatan ba nesesidade sira populasaun nian no kontribui ba sosiedade ida ne’ebé sustentável no saudável.

Ba propózitu ida ne’e, ekipa ba setór rezidus sólidus nian hala’o tiha ona viajen haleu Timor-Leste laran tomak durante semana rua resin nia laran iha fulan Setembru/Outubru 2021, hodi kobre Munisípiu 11, exetu Dili ho RAEOA, halo entrevista ho Parte Interesadasira, no rekolla informasaun faktuál sira hanesan Parte Interesadasira ninia hanoin no nesesidade sira kona-ba futuru jestaun rezidus sólidus nian.

Reprezentante munisipál sira espresa sira ninia satisfasaun ho perspetíva BEI/GoTL nian hodi inisia projetu jestaun lixu sólidu ida ne’ebé abranjente, tanba haree mós hosi kondisaun atuál ba servisu rekolla lixu sólidu ne’ebé mak la adekuadu nomós kondisaun soe lixu nian ne’ebe la di’ak, partikularmente iha Aldeia no área rurál sira.

Projetu refere sei kobre aspetu hotu-hotu konaba jestaun lixu sólidu públiku nian, inklui estabelesimentu ateru sanitáriu rejionál balu tan / fasilidade tratamentu sira seluk, ho objetívu atu hadi’ak kobertura servisu rekolla lixu nian, ho tratamentu no dispozisaun lixu ne’ebé mak la estraga ambiente. Ida ne’e sei fó benefísiu bo’ot tebes ba komunidade lokál sira nomós ba ambiente.

Ekipa COWI aplika software GIS hodi rekolla dadus iha terrenu. Ida ne’e feramenta útil ida ba rekolla no armajenamentu informasaun dijitál hosi terenu hanesan, prenximentu formuláriu dijitál estruturadu sira, rejista lokalizasaun / pontu jeometria, no fotografia sira. Hafoin halo atividade estudu iha terenu, dadus hirak ne’e sei konverte no vizualiza uza plataforma jestaun jeo-infrosmasaun nian, no depois sei uza fali iha faze estudu sira tuirmai hodi bele determina, porezemplu, sentru populasionál ne’ebé mak adekuadu ba rekolla lixu nian, bee-fo’er no abastesimentu bee-moos, kondisaun estrada, nst.

Atu hetan informasaun detalhadu, bele kontaktu:

Sr . Jan Drozdz, Lide da Equipa PPIP

Email: jadrx(at)cowi.com

Objetivu hosi PPIP maka atu fo apoio ba prosesu identifikasaun, preparasaun, ho implementasaun investimentu projetus liu hosi aspeitus teknikus, finanseirus, ekonomiku, ambiente, ho sociais iha setor floresta, residus solidus, ho agua no saneamento.

Hanesan introdusaun ida hosi Diretor Geral ba Planeamento ho Territorio, Ministerio de Planeamento ho Territorio, Eng. Deonlido da Silva hateten katak “Seminariu Risku ohin loron nian bele ajuda ita hotu-hotu ne’ebe involve iha Programa PPIP atu bele prepara ita nia a’an ho diak liu tan no identifika problemas potensiais antes sira mosu no mos planu oinsa atu bele hasoru sira.”

Seminariu ne’e hala’o simultaneamente iha Dili ho online. Inklui mos partisipantes husi Ministerip de Planeamento e Territorio, Ministerio dos Negocios Estrangeiros e Cooperacao, Minsiterio da Administracao Estatal, Be’e Timor-Leste, Ministerio da Agricultura e Pescas, Agencia Dezenvolvimentu Nacional, Autoridade Nacional de Agua e Saneamento, Ministerio das Financas ho Autoridade do Municipio de Dili.

Partisipantes hosi grupo rua (2) deskute konaba riskus potenciais. Grupo rua (2) indentifika partikularmente relevantes riskus hanesan “Vontade minimu hodi hasa’e tarifas atu bele kovre kustu ba melhoramentu prestasaun de servisus (agua ho residus solidus)” no mos risku seluk hanesan “Mudansa prioridades husi sponsor ho/ou stakeholders (partes interesadas)” partikularmente ho kontextu elisaun ne’ebe atu mai iha tempu badak. Parte estrategia mitigasaun maka hanesan hametin komunikasaun entre partes interesadas ho involve komunidade atu bele iha balansu entre kualidade servisu ho presu.

Alem de ida ne’e, depois de reuniaun refere, partisipantes sira husu preguntas balun ba Koordenador PPIP hosi EIB, Sr. Raoul Pedrazzani. Sr. Raoul kongratula partisipantes ba sira nia diskusaun ne’ebe produtiva teb-tebes.

Atu hetan informasaun detalhadu, bele kontaktu:

Sr . Jan Drozdz, Lide da Equipa PPIP

Email: jadrx(at)cowi.com

26 Agostu 2021: Ohin, Ministériu balun, reprezentante sira husi delegasaun Uniaun Europeia (EUD), no Banku Investimentu Europeu (EIB), hala’o sorumutu hodi ko’alia kona-ba projetu potensiál sira iha setór bee, reziduu sólidu, no floresta ba Timor-Leste, iha ámbitu husi sorumutu ba dalauluk Komisaun Diretiva Projetu nian ka PSC (Project Steering Committee) hosi Programa Preparasaun no Implementasaun Projetu (PPIP).

PPIP ninia objetivu mak atu apoia identifikasaun, preparasaun, no implementasaun projetu investimentu sira ne’ebé mak teknikamente, finanseiramente, ekonomikamente, ambientalmente, no sosialmente di’ak iha setór tolu: Fornesimentu Bee, Saneamentu no Drenajen; Jestaun Reziduu Sólidu no Floresta.

Projetu ne’e ofisialmente lansa ona iha loron 10 fulan-Juñu tinan 2021 ho sorumutu abertura (kick-off) ida entre reprezentante sira Governu Timor-Leste nian, Banku Investimentu Europeu, Delegasaun Uniaun Europeia nian iha Timor-Leste, no COWI nu’udar konsultór projetu nian.

Hafoin fulan rua, Komité Diretiva Projetu nian (PSC), ne’ebé kompostu husi reprezentante nível aas sira Governu Timor-Leste nian, EUD iha Dili no EIB, hala’o sorumutuk hodi ko’alia kona-ba progresu husi projetu ne’e, kona-ba planu ba atividade sira kapasitasaun nian no kona-ba ideia projetu nian balu, entre asuntu xave sira seluk tan.

Exelénsia Vise-Primeiru-Ministru no Ministru Planeamentu no Territóriu, Jose Maria dos Reis, loke sorumutuk ne’e hodi agradese partisipasaun audiénsia nian tuir kedas ho rekoñesimentu ba progresu PPIP nian, hanesan hatudu iha Relatóriu Inisiál ka IR (Inception Report), ne’ebé aprezenta oportunidade sira ba investimentu ne’ebé sei revee no atualiza hodi garante susesu iha implementasaun projetu nian. Exelénsia mós destaka kompromisu Governu Konstitusionál VIII nian ba dezenvolvimentu parte súl Timor-Leste nian no rekomenda ba konsultór atu esplora dezenvolvimentu barrajen multi-funsaun ne’ebé di’ak ba abastesimentu bee nian, agrikultura no enerjia iha rejiaun ne’e.

Exelénsia ne’e mós ko’alia kona-ba aspetu xave balun ba susesu Programa ne’e nian, inklui fortalesimentu rekursu umanu no instituisaun sira, envolvimentu setór privadu nian, no transferénsia koñesimentu hosi konsultór COWI ba funsionáriu nasionál sira, liu-liu ba jerasaun foin-sa’e nian. Ikus liu, Eselénsia hatudu ninia optimizmu ba faze identifikasaun projetu nian ne’ebé sei lori ba to’o iha faze pre-viabilidade no viabilidade ida ne’ebé susesu no implementasaun globál projetu nian.

Embaixadór Uniaun Europeia nian ba Timor-Leste, Sr. Andrew Jacobs, temi sinerjia sira entre serbisu EUD nian ne’ebé la’o hela no setór tolu ne’ebé abranje husi PPIP, hodi hatutan katak “Uniaun Europeia hakarak promove dezenvolvimentu ekonómiku no prosperidade iha Timor-Leste liuhusi kreximentu ekonómiku sustentável ida ne’ebé matak no azúl. Diversifikasaun no dezenvolvimentu ekonomia reprezenta oportunidade laos de’it ba Timor-Leste maibé ba mós setór privadu Europeu no ba investidór sira no Banku investimentu sira. Oportunidade sira-ne’e eziste liuliu iha dezenvolvimentu cadeia de valor (value chain) iha agroflorestal (merkadu nixu/sertifikasaun), sertifikasaun karbonu, enerjia renovável, peska sustentável, akuakultura no konservasaun biodiversidade”.

Koordenadór Projetu Banku Investimentu Europeu nian, Sr. Raoul Pedrazzani , esplika katak hafoin Faze Inisiál ne’e, projetu ne’e agora hakat dadauk ona ba identifikasaun projetu. Iha faze ida-ne’e, konsulta ho Governu Timor-Leste, promotór, benefisiáriu no ko-finansiadór potensiál sira sei sai xave ba susesu implementasaun projetu sira ne’ebé elijível. Nia hatutan mós katak projetu sira-ne’e tenke kumpri padraun ambientál no sosiál sira no mós, maksimiza asaun klimátika no sustentabilidade ambientál. Ikusliu, Nia hato’o ninia satisfasaun ho kolaborasaun di’ak entre Governu Timor-Leste no ekipa projetu nian iha Jerál.

Enkontru ne’e partisipa husi S.E. Sr. Jose Maria dos Reis, Vice Primeiru Ministru no Ministru Planeamentu no territóriu; S.E. Sr. Miguel Pereira de Carvalho, Ministru Administrasaun Estatál; S.E. Sra. Adaljiza Albertina Xavier Reis Magno, Ministra Negósiu Estranjeiru no kooperasaun; S.E. Sr. Rui Agusto Gomes, Ministru Finansas; S.E. Sr. Andrew Jacobs, Embaixador EUD nian ba Timor-Leste; Sr. Benoit Cambier, EIB nia Xefe Gabinete iha Pasífiku; nune’e mós reprezentante sira seluk husi Governu Timor-Leste, EIB, EU, no konsultór PPIP nian COWI.

Kona-ba Komisaun Diretiva Projetu nian ka PSC (Project Steering Committee) hosi Programa PPI nian
Komisaun Diretiva (PSC) Projetu PPIP ne’e co-prezide husi Ministériu planu no Ordenamentu, Ministériu Finansas no Banku Investimentu Europeu. Governu Timor-Leste mós reprezenta iha PSC husi Ministériu Negósiu Estranjeiru no kooperasaun, Ministériu Administrasaun Estatál, Bee Timor-Leste (BTL), no Ministériu Agrikultura no Peskas.

Kona-ba Uniaun Europeia
Uniaun Europeia (UE) mak Uniaun ekonómika no polítiku úniku ida entre nasaun 27 iha Europa ne’ebé hamutuk, kobre parte barak husi kontinente ne’e. Antesesór UE nian –  Komunidade Europeu ba Karvaun no Besi-asu – harii iha sekuénsia Funu Mundiál Daruak nia no harii ho entendimentu ida katak país sira ne’ebé mak halo Negósiu ba malu sai ekonomikamente interdependente no nune’e bele evita konflitu. Iha Timor-Leste EU nu’udar segundu doadór boot liu hotu iha asisténsia ba dezenvolvimentu (finansiamentu subvensionadu ). UE komprometidu atu apoia Planu Dezenvolvimentu Estratéjiku Timor-Leste nian ba 2011-2030, ne’ebé ho objetivu atu transforma Timor-Leste sai nasaun ho rendimentu médiu-altu iha tinan 2030 bazeia ba kresimentu rápidu, inkluzivu ne’ebé permite atu hadi’a infraestrutura, abilidade traballadór sira-nian, edukasaun, formasaun no sistema saúde nian, no kombate moris-ki’ak no malnutrisaun. Asisténsia UE nian foka liu ba iha rekuperasaun no dezenvolvimentu ekonómika matak no sustentável, dezenvolvimentu rurál, governasaun di’ak ba dezenvolvimentu sustentavel no Igualdade jéneru.

Atu hetan informasaun liu tan bele kontaktu:

Sr. Jan Drozdz, Líder Ekipa PPIP nian.

Email: jadrx(at)cowi.com